Kya insaan ka khaas ya khaas na hona hi sab kuch hai

Aaj ki so called perfectionist duniya me har koi perfect hona chahta hai  , perfect dikhna chahta hai ,  kyonki hume baar baar  ahsaas dilaya gya hai ( kabhi tv par aa rahe advertisement  ke zariye to kabhi kisi kaamyab shakhs ki zindagi ka vo adhoora sach bata kar jo sirf uski zindagi ka ek  pahlu bhar hota hai) ki kamyaab hone k liye perfect hona bahut zaroori hai. Agar aap perfect nahi, to aap kamyaab nahi ho sakte.

Dusra hume ahsaas dilaya jata hai ki jo log kaamyaab hai vo bachpan se hi khaas(unique) the or yahi vajah hai ki vo kaamyaab hai yaani hame is baat ka ahsaas dila diya jata hai ki kaamyaab hone ke liye khaas(unique) hona bahut zaroori hai  iska matlab ye hua ki agar aap khaas(unique) nahi hai to aap ko kamyab hone ka koi haq nahi hai.

 Yahi vajah hai ki bachpan se bachchon ko ye bataya jata hai ki tum khaas(unique) ho or tumhe perfect hone ki zaroorat hai. Lekin kya sach me pecfection jaisa kuch hota bhi hai.

 Ek example ke  liye jaise  koi crickter apne khel me bahut mahir hai lekin kya ye zaroori hai ki vo khana banane me bhi mahir ho ya fir padhne me bahut achcha ho lekin logo ko use dekhne ka nazriya yahi hota hai ki vo perfect hai, jo ki zaroori nahi hai. ho sakta vo apna bed saaf bhi na rakh pata ho , cheezen yahan vahan bikhri rahti ho.

Kuch log kahenge ki vo itna achcha isliye hai kyon ki vo bachpan se hi khaas tha or Uske mahir hone vajah uska khaas hona hai na ki uski mahnat or determination.

Lekin jab aap us se puchenge  ki kya vo khaas hai to vo aap ko  bataega ki vo apne kaam ko lekar kitna zimmedar hai , vo kitni mahnat karta hai, or jab aap usse puchenge ki kya sach me vo perfect hai to shayad uske javaab na hoga, vo aap ko bataega ki kitne hi kaam hai jinhe vo achcche se to kya, sahi se bhi nahi kar pata  hai.

 Yaani kaamyab hone ya safal hone ke liye pefect hone ya khaas hone ki zaroorat nahi hai balki perfection jaisi koi cheez hoti hi nahi hai .

Iska ek matlab ye bhi  hua ki aapko khaas banne ki bhi  zaroorat nahi hai,  Aapko zaroorat hai zimmedar banne ki or mahnat karne ki.

Aajkal ye bahut aam ho gya ki kuch log khud ko khaas mante hai or jab vo kisi kaam ko sahi se nahi kar paate hai to khud dosh dene lagte or mental dis-order ka shikar ho jate hain, vo mante ki kisi bhi kaam sirf ek hi baar me sahi karna zaroori hai or aisa isliye sochte hai kyonki vo khaas hai ( iska ahsaas unhe bachpan se dilya jata hai) to unhe har kaam pahli baar me sahi se karna chahiye jo ki sahi nahi hai.

 Or kuch log kisi bhi kaam ko karte hi nahi hai, kyonki unhe lagta hai ki vo khaas nahi hai, vo kuch sahi se nahi kar sakte is baat ka ahsaas bhi unhe bachpan se dilaya gya hota hai.

Haan khaas hone ka ahsaas aapko ko kuch kaam karne me madad to karta lekin jab aap kisi kaam ko nahi kar paate to ye aap ke liye ek pareshani ka sabab bhi ban jata hai, to aisa kya hai jisse hum is pareshani bach sake?

Vo hai lagan , zimmedari or mahnat.

Kyonki hum ek insaan ke roop me paida hue hai, hume sabse bahtar banaya gya hain (jaise ki jab koi machine banai jaati hai to use banane ki ek vajah hoti, use kisi kaam ke liye banaya jata hai) to fir hume banane wale ne bhi hume banane ke peeche koi na koi vajah zaroor rakhi hogi, yaani hum koi na koi kaam karne ke liye hi banaye gye hai. (. Ab yahan sawal aata hai ki kya kaam karne ke liye machine ka khaas hona zaroori hai to jawab hai bilkul nahi, machine ka khaas hona zaroori nahi balki zaroori hai machine ka vo kaam karna jiske liye use banaya gaya hai) iska matlab ye hua hume apne banne ki vajah pata honi chahiye or bina kuch soche vo kaam karna chahiye. Hume apna kaam zimmedari se karna chahiye. Jitni lagan or mahnat hum vo kaam karenge, kaam utna hi bahtar hoga , or hume ek alag hi tarah ka ahsaas hoga or yahi vo ahsaas hai jise hum khud ko  khaas mankar ya dusre tareekon se talash karte hai.

Yaani Khushi apne kaam ko zimmedari se karne me hai, na ki perfection se karne me ya khaas hone me.